ހާރޫނުގެފާނަކީ މޫސާގެފާނުގެ އަޚެކެވެ. މިއީ ވެސް ނަބީ އެކެވެ. ހާރޫން ގެ ފާނު ދިރިއުޅުއްވީ މޫސާގެ ފާނާއި އެކު މިޞްރުގެ ބިމުގައެވެ. ހާރޫނު ގެ ފާނުގެ ފުރިހަމަ ނަންފުޅަކީ ހާރޫން ބިން ޢިމްރާން ބިން ޢިމްރާން ބިން ޔަޞްހަރު ބިން ޤާހިތު ބިން ލާވީ ބިން ޔަޢުޤޫބު ބިން އިސްޙާޤު ބިން އިބްރާހީމް ބިން އާޒަރު އެވެ. ހާރޫނުގެ ފާނަށް 3 ފިރިހެން ބޭފުޅުން ލިބިލެއްވި އެވެ. އެއީ ޝައްބަރު، ޝައްބީރު، އަދި މުބައްޝިރު އެވެ. މޫސާގެ ފާނުގެ ރަސޫލު ކަމުގައި ހާރޫންގެ ފާނު ހުންނެވީ އެހީތެރިއެއްގެ ގޮތުގައެވެ. ހާރޫނުގެ ފާނު ވަނީ މޫސާގެ ފާނުގެ ކުރިން އަވަހާރަވެ ވަޑައިގެންފައެވެ.
