މުޙައްމަދު ޣައްސާން މައުމޫން
މުޙައްމަދު ޣައްސާން މައުމޫން ދުނިޔޭގެ އަލިކަން ދެކެވަޑައިގަތީ 20 ޖޫން 1980 ގައެވެ. ޣައްސާންގެ ބައްޕާފުޅަކީ ދިވެހިރާއްޖޭގެ ކުރީގެ ރައީސުލްޖުމްހޫރިއްޔާ މައުމޫން ޢަބްދުލްޤައްޔޫމެވެ. މަންމާފުޅަކީ ނަސްރީނާ އިބްރާހީމެވެ.
ޔުނިވަރސިޓީ އޮފް ލަންޑަންގައި ބަޔޮމެޑިކަލް ސައިންސް ރިސާޗްގެ ދާއިރާއިންނާ، މޮލެކިއުލާ ބަޔޮލޮޖީގެ ދާއިރާއިން، މުޙައްމަދު ޣައްސާން މައުމޫން ވަނީ މަތީ ތަޢުލީމް ޙާޞިލްކުރައްވާފައެވެ.
މުޙައްމަދު ޣައްސާން މައުމޫން ވަނީ ރައީސުލްޖުމްހޫރިއްޔާގެ އޮފީހުގެ ޕޮލިސީ އިމްޕްލިމެންޓޭޝަން ޑިޕާޓްމެންޓް ހިންގަވައިފައެވެ. ރައީސުލްޖުމްހޫރިއްޔާގެ އޮފީހުގެ ސްޓޭޓް މިނިސްޓަރުކަމާ، ޒުވާނުންނާ ކުޅިވަރާ ބެހޭ ވުޒާރާގެ ސްޓޭޓް މިނިސްޓަރުކަންވެސް ކުރެއްވިއެވެ. އަދި ނަވާރަވަނަ ރައްޔިތުންގެ މަޖިލީހުގެ ކޮޅުމަޑުލު، ގުރައިދޫ ދާއިރާގެ މެންބަރުކަން ވެސް ކުރައްވައިފައިވެއެވެ.
މުޙައްމަދު ޣައްސާން މައުމޫން މިހާރު ހުންނެވީ ދިވެހިރާއްޖޭގެ ދިފާޢީ ވަޒީރު (މިނިސްޓަރ އޮފް ޑިފެންސް) ގެ މަޤާމުގައެވެ.