އަޙްމަދު ފާއިޒު ޙުސައިން
އަލްއުސްތާޛު އަޙްމަދު ފާއިޒު ޙުސައިނަކީ ޕާކިސްތާނުގެ އިސްލާމްއާބާދުގައި ހުންނަ އިންޓަރނޭޝަނަލް އިސްލާމިކް ޔުނިވަރސިޓީ އިން ޝަރީޢަތާއި ޤާނޫނުގެ ރޮނގުން މަތީ ތަޢުލީމު ޙާޞިލުކުރައްވައިފައިވާ ބޭފުޅެކެވެ. އަދި ޕާކިސްތާނުގެ ޖާމިޢާ ސަލަފިއްޔާއިން ވެސް ތަޢުލީމު ޙާޞިލުކުރައްވައިފައިވެއެވެ.
.jpg)
އަލްއުސްތާޛު އަޙްމަދު ފާއިޒު ޙުސައިން ފުރުއްވާފައިވާ މަޤާމުތަކުގެ ތެރޭގައި މަދަނީކޯޓުގެ ޤާޟީކަމާއި، ދިވެހިރާއްޖޭގެ ހައިކޯޓުގެ ފަނޑިޔާރުކަމާއި، ދިވެހި ޖުމްހޫރިއްޔާގެ ޤާނޫނުއަސާސީ 2008 ތަސްދީޤު ކުރެވުނު ދުވަހުން ފެށިގެން އިންތިޤާލީ ސުޕްރީމް ކޯޓު އުފެދެންދެން ޢަދުލު އިންޞާފު ޤާއިމު ކުރުމުގެ އެންމެ އިސްފަރާތުގެ މަޤާމު ހިމެނެއެވެ. 2008، ސެޕްޓެންބަރު 18 ވަނަ ދުވަހު އިންތިޤާލީ ސުޕްރީމް ކޯޓު އުފައްދަވައި އެ ކޯޓަށް ޢައްޔަނު ކުރެއްވި 5 ފަނޑިޔާރުންގެ ތެރޭގައި ވެސް އަލްއުސްތާޛު އަޙްމަދު ފާއިޒު ޙުސައިން ހިމެނިވަޑައިގަންނަވައެވެ. އަލްއުސްތާޛު އަޙްމަދު ފާއިޒު ޙުސައިން ވަނީ ދިވެހިރާއްޖޭގެ އުއްތަމަ ފަނޑިޔާރުކަން 2010، އޮގަސްޓު 10 ވަނަ ދުވަހުން ފެށިގެން 2014، ޑިސެންބަރު 11 ވަނަ ދުވަހުގެ ނިޔަލަށް އަދާކުރައްވައިފައެވެ.