އަޙްމަދު މައުމޫން

އައްޝައިޚް އަޙްމަދު މައުމޫން ވަނީ މިޞްރުގެ އަލްއަޒުހަރު ޔުނިވަރސިޓީން ބެޗްލަރ އޮފް އާޓްސް އިން ސޯޝަލް ވަރކް އެންޑް ސޯޝަލް ޑިވެލޮޕްމަންޓްގެ ދާއިރާއިން މަތީ ތަޢުލީމު ހާސިލުކުރައްވައިފައެވެ. އައްޝައިޚް އަޙްމަދު މައުމޫން ދީނީ ހޭލުންތެރިކަން އިތުރުކުރުވުމުގެ ދާއިރާއިން ޚިދުމަތް ކުރައްވަން ފެށްޓެވީ، 2005ވަނަ އަހަރުއެވެ.

އައްޝައިޚް އަޙްމަދު މައުމޫން ވަނީ މަޢުހަދުއް ދިރާސާތިލް އިސްލާމިއްޔާ އާއި، މަދްރަސަތުލް އަޙްމަދިއްޔާ އާއި، އައްޑޫ ހައިސްކޫލުގައި ޚިދުމަތް ކުރައްވައިފައެވެ. އައްޝައިޚް އަޙްމަދު މައުމޫނަކީ، ރާއްޖެއިން ޙައްޖަށް އަދި ޢުމްރާއަށް ދާ މީހުންނަށް އެހީތެރިވެދެއްވައި، ދީނީ އިރުޝާދު ދެއްވުމުގައި، 2010 ވަނަ އަހަރުން ފެށިގެން ހަރަކާތްތެރިވެވަޑައިގަންނަވަމުން ގެންދަވާ ބޭފުޅެއްވެސް މެއެވެ. އަޙްމަދު މައުމޫން ވަނީ، އެވިޑް ކޮލެޖުން އިސްލާމް ޓީޗިންގގެ ރޮނގުން މާސްޓަރސް ޑިގްރީ ހާސިލު ކުރައްވައިފައެވެ.