ކޮސްޓަރީކާ

ކޮސްޓަރީކާއަކީ މެދުތެރޭ އެމެރިކާއަށް ނިސްބަތްވާ ޤައުމެކެވެ.

República de Costa Rica  ފަންވަތް:Es icon
Flag Coat of arms
ގައުމީ ސަލާމް:  Noble patria, tu hermosa bandera  ފަންވަތް:Es icon "Noble homeland, your beautiful flag"
ވެރިރަށް and largest city	San José
ރަސްމީ ބަސްތައް	Spanish
އާންމު ސަރަހައްދީ ބަސްތައް	Mekatelyu
ނަސްލު ގުރޫޕުތައް	80% Caucasian 15% Mestizo 3% Black 1% Amerindian 1% Chinese
ޑިމޮނިމް	Costa Rican; Tico
ސަރުކާރު	Constitutional democracy (Presidential republic)
• President	Óscar Arias
• President-Elect	Laura Chinchilla
Independence  from Spain (via Guatemala)
• Declared	September 15, 1821
• Recognized by Spain	May 10, 1850
• from the UPCA	1838
ސަރަޙައްދު
• Total	51,100 km2 (19,700 sq mi) (128th)
• Water (%)	0.7
އާބާދީ
• May 2009 estimate	4,509,290 (119th)
• Density	85/km2 (220.1/sq mi) (107th)
ޖީޑީޕީ (ޕީޕީޕީ)	2008 estimate
• ޖުމްލަ	$48.663 billion
• ބޮލަކަށް ޖެހެނީ	$10,735
ޖީޑީޕީ (nominal)	2008 estimate
• ޖުމްލަ	$29.664 billion
• ބޮލަކަށް ޖެހެނީ	$6,543
ޖިނީ (2001)	49.9 high
އެޗްޑީއައި (2007)	0.854  (54th)
ފައިސާ	Costa Rican colón (CRC)
ޓައިމް ޒޯން	ޔޫޓީސީ-6
ޑްރައިވިންގ ސައިޑް	right
ކޯލް ކޯޑް	+506
އައިއެސްއޯ 3166 ކޯޑް	CR
އިންޓަރނެޓް ޓީއެލްޑީ	.cr

އަވަސް ކަޅިއަކުން ބަލައިލުމެއް

ކޮސްޓަރީކާގެ ރަސްމީ ބަހަކީ ސްޕެނިޝް ބަހެވެ. މީގެ އިތުރުން މެކަތެލްޔޫ ބަހަކީ ވެސް ބަލައިގަނެވިފައިވާ ބަހެކެވެ. އިނގިރޭސި ބަހުން މި ޤައުމުގެ މީހުންނަށް ކިޔަނީ ކޮސްޓަރީކަންސްއެވެ. ނުވަތަ ތީކޯސްއެވެ. ޤައުމުގެ އެންމެ ބޮޑު ޝަހަރަކީ ސަން ޖޯސްއެވެ. މި ޤައުމުގެ ވެރިރަށަކީ ވެސް މިއީއެވެ. މިއީ ދުސްތޫރީ ޑިމޮކްރަސީއެކެވެ. ރިޔާސީ ޖުމްހޫރިއްޔާއެކެވެ. ޤައުމުގެ އާބާދީއަކީ 4 މިލިއަނެވެ. އެހެންކަމާއެކު، މިއީ ދުނިޔޭގައި 118 ވަނައަށް އެންމެ އާބާދީ ބޮޑު ޤައުމެވެ. ބިމުގެ ބޮޑުމިނަކީ 51100 އަކަކިލޯމީޓަރެވެ. ދުއްވާއެއްޗެހި ދުއްވަނީ ކަނާތްފަރާތުންނެވެ. އިންޓަނެޓް ކޯޑަކީ cr. އެވެ. ކޯލިން ކޯޑަކީ +506 އެވެ. ފައިސާގެ ގޮތުން ބޭނުންކުރަނީ ކޮލޯންއެވެ.

ނަން

މި ޤައުމުގެ ރަސްމީ ނަމަކީ ރިޕަބްލިކް އޮފް ކޮސްޓަރީކާއެވެ. “ކޮސްޓަރީކާ” މި ނަމުގެ މާނައަކީ ރިޗް ކޯސްޓް ނުވަތަ މުއްސަނދި އައްސޭރިއެވެ.

ޖުޣުރާފީ

ކޮސްޓަރީކާގެ އުތުރުގައި އޮތީ ނިކަރާގުއާއެވެ. އިރުމައްޗާއި ދެކުނުގައި އޮތީ ޕެނަމާއެވެ. ހުޅަނގުގައި އޮތީ ޕެސިފިކް މާކަނޑެވެ. އިރުމަތީގައި އޮތީ ކެރީބިޔަން ކަނޑެވެ. ކޮސްޓަރިކާ އަކީ ވަރަށް ތަފާތު ގައުމެކެވެ.

ތާރީޚު

އާސާރީ ހެކިތަކުން ދައްކާ ގޮތުގައި ކޮސްޓަރީކާއަކީ ވަރަށް ކުރީއްސުރެ މީހުން އާބާދުވެފައިވާ ތަނެކެވެ. ސްޕޭނު މީހުން މި ޤައުމަށް އައިސްފައި ވަނީ މީލާދީން 16 ވަނަ ޤަރުނުގައެވެ. ކޮސްޓަރީކާގެ އަޞްލު ރަށްވެހީންގެ ތެރެއިން އެމީހުންގެ ނަސްލު ދެމެހެއްޓުމަށް ޓަކައި ދިރިތިބީ ވަރަށް މަދުބައެކެވެ. ޔޫރަޕު މީހުން މި ބައްރަށް އަލަށް ގެނައި ބަލިތަކަށް ހަށިގަނޑުގެ ދިފާޢީ ނިޒާމު ތައްޔާރުވެފައި ނެތުމުގެ ސަބަބުން އެންމެ ފުރަތަމަ ޝިކާރައަކަށް ވެގެން ދިޔަ އާބާދީއަކީ ކޮސްޓަރީކާގެ އަޞްލު ރަށްވެހީންގެ އާބާދީއެވެ. މީގެ ތެރެއިން ގިނަ ބަޔަކު މަރުވެގެން ގޮސްފައިވަނީ ކަށިވިދުރީގެ ސަބަބުންނެވެ. ދެން ތިބި މީހުން މަރުވެފައިވަނީ ސްޕެއިނު މީހުން އެމީހުންނާ ދޭތެރޭ ކަންތައް ކުރި އިހާނާތްތެރި ގޮތްތަކުގެ ސަބަބުންނެވެ. ޔޫރަޕުގެ މީހަކަށް އެންމެ ފުރަތަމަ ކޮށްޓަރީކާގެ ބިމުގައި ފައި ބީއްސާލި މީހަކީ ކްރިސްޓަފަރ ކޮލަންބަސްއެވެ. އެއީ މީލާދީން 1502 ވަނަ އަހަރުގައެވެ. ދުނިޔޭގެ އެންމެ ގިނަ ދުވަސްވީ 22 ޑިމޮކްރަސީގެ ތެރޭގައި ހިމެނޭ ލެޓިން އެމެރިކާގެ ހަމަ އެކަނި ޤައުމަކީ ކޮސްޓަރީކާއެވެ. ކޮސްޓަރީކާއިން ވަނީ އެ ޤައުމުގެ ޢަސްކަރިއްޔާ 1949 ވަނަ އަހަރުން ފެށިގެން ދާއިމީ ގޮތަކަށް އުވާލާފައެވެ. ކޮސްޓަރީކާއިން ވަނީ 2021 ގައި ދުނިޔޭގެ ފުރަތަމަ ކާބަން ނިއުޓްރަލް ޤައުމަކަށް ވާނީ އެ ޤައުމުކަމަށް 2007 ގައި އިޢުލާންކޮށްފައެވެ.

ޑެމޮގްރަފިކްސް

ކޮސްޓަރީކާގެ އާބާދީގެ 80% އަކީ ކައުކާސީ ނަސްލުގެ މީހުންނެވެ. 15% އަކީ މެސްޓިޒޯއިންނެވެ. 3% އަކީ ކަޅު މީހުންނެވެ. 1% އަކީ އެމެރިންޑިޔަނުންނެވެ. 1% އަކީ ޗައިނީޒް ނަސްލުގެ މީހުންނެވެ. ކައުކާސީ ނަސްލަށް ބަލާއިރުގައި، މި ނަސްލުގެ ގިނަ މީހުންނަކީ ސްޕޭނު މަތިކޮޅުތަކަށް ނިސްބަތްވާ މީހުންނެވެ. މީގެ އިތުރުން އިޓަލީ، ޖަރުމަނު، އިނގިރޭސި، ޑަޗް، ފަރަންސޭސި، އައިރިޝް، ޕޯޗުގީޒު، ލުބުނާނީ، ޕޮލެންޑު މަތިކޮޅުތަކަށް ނިސްބަތްވާ މީހުން ވެސް ކޮސްޓަރީކާގައި މަދެއް ނޫނެވެ. ކޮސްޓަރީކާގެ އާބާދީގެ އާބާދީގެ 70.5% މީހުންނަކީ ކެތަލިކް ކްރިސްޓިޔަނުންނެވެ.

ސަގާފަތު

ކޮސްޓަރީއަކީ މުއްސަނދި ސަގާފަތެއް އޮތް ޤައުމެކެވެ. މެސޯ އެމެރިކަން ސަގާފަތާއި ދެކުނު އެމެރިކާގެ ސަގާފަތް ބައްދަލުވި ނުގުތާއަކީ ކޮސްޓަރީކާއެވެ. މި ދެ ސަގާފަތުގެ އިތުރުން ސްޕޭނު މީހުންގެ ސަގާފަތް ވަނީ މިއަދުގެ ކޮސްޓަރީކާގެ މަސްހުނި ސަގާފަތް އެކުލެވިގެން ދިއުމުގައި މުހިއްމު ދައުރެއް އަދާކޮށްފައެވެ.

އިޤްތިޞާދު

ހެޕީ ޕްލެނެޓް އިންޑެކްސްގެ އެއްވަނައިގައި އޮތް ކޮސްޓަރީކާއަކީ މުޅި ދުނިޔޭގައި ވެސް އޮތް އެންމެ ފެހި ޤައުމެވެ. އެހެން ނަމަވެސް ކޮސްޓަރީކާގެ އިޤްތިޞާދަކީ އެހައި ފެހި އިޤްތިޞާދެކޭ ބުނެވޭކަށެއް ނެތެވެ. އެ ޤައުމުގެ އިންފްލޭޝަން ރޭޓަކީ ލެޓިން އެމެރިކާއަށް ބަލާއިރުގައި ހަތަރުވަނައަށް އެންމެ މަތީ އިންފްލޭޝަން ރޭޓެވެ. އެ ޤައުމުގެ ޖީ.ޑީ.ޕީ ޕަރކެޕިޓާ އަކީ 10735 ޑޮލަރެވެ.