ޝަރަފުއްދީން ޢަލީ
އައްޝައިޚް ޝަރަފުއްދީން ޢަލީއަކީ އިންޑިއާގެ ގުޖުރާތު ސްޓޭޓުގެ ސޫރަތުގައި ހުންނަ ޖާމިޢާ ފަލާޙުއްދާރައިނިން ތިއޮލޮޖީގެ ރޮނގުން ބެޗްލަރ އޮފް އާޓްސް ހާސިލުކުރައްވައިފައިވާ ބޭފުޅެކެވެ. ކިޔަވައިވިދާޅުވެގެން އަމިއްލަފުޅު ރަށް ކަމަށްވާ އަލިފުށްޓަށް ވަޑައިގެން، އަލިފުށީގައި ހިލޭސާބަހަށް ދީނީ ތަޢުލީމު ދެއްވުމާއި، ކީރިތި ޤުރްއާން ކިޔަވައިދެއްވުމުގެ މަސައްކަތް ފެށްޓެވީ 1990 ވަނަ އަހަރުއެވެ.
1990 ވަނަ އަހަރުން ފެށިގެން ސްކޫލް ދަރިވަރުންނަށާއި، ޒުވާނުންނަށާއި، ބޮޑެތި މީހުންނަށާއި އެދުރުންނަށް އަމާޒުކުރައްވައިގެން ހިލޭސާބަހަށް އެކިއެކި ކުލާސްތައް، އައްޝައިޚް ޝަރަފުއްދީން ޢަލީ ހިންގަވަމުން ގެންދަވައެވެ. އެ ކުލާސްތަކުގައި ކީރިތި ޤުރްއާނުގެ އިތުރުން، ޢަރަބި، ފިޤްހު، ޢަޤީދާ އަދި އުރުދޫ ކިޔަވައިދެއްވައެވެ.